Д-р Блага СТОЈЧЕВА РАДОВАНОВИЌ, асистент, е родена на 20 октомври 1950 г. во Битола, кадешто завршува оснвно и средно образование. Во учебната 1968/69 г. се запишала на Природно-математичкиот факултет, на насоката за применета хемија во Скопје. Дипломирала во 1974 г. и стекнала назив дипломиран инженер по хемија. Во учебната 1974/75 г. се запишала на постдипломски студии на групата за органска хемија на истиот факултет и магистрирала во 1982 г. по одбраната на магистерската теза под наслов „Проучување на Mannich-овата реакција и синтеза на некои N-Mannich-ови бази”. Докторската дисертација под наслов „Електрон спин резонантно проучување на 5-нитрофуран деривати” ја одбранила 1985 г. на Технолошкиот факултет во Нови Сад. Во 1975 г. избрана е за помлад асистент на Институтот за хемија при Природно-математичкиот факултет во Скопје, а во 1983 г. за асистент по предметот органска хемија. Во 1987 г. е избрана за доцент по предметот механизми на органските реакции, а во 1988 г. и по предметот органска инструментална анализа на студиската група за хемија на тогашниот Филозофски факултет (а сега Природно-математички факултет) во Ниш (Србија). За вонреден професор е избрана во 1992 г., а за редовен професор во 1998 г. на истиот факултет, каде што и сега работи. Изведува консултативна настава и на постдипломските и на докторските студии. Во 2003 г. е избрана за професор на Вишата техничка технолоска школа во Врање за предметите технологија на растителни производи и технологија на анимални производи. Од 2004 г. држи настава по хемија на Учителскиот факултет во Врање. Од 1990 до 1992 г. др Блага Стојчева Радовановиќ била уредник на Зборникот на трудовите по хемија на Филозофскиот факултет во Ниш. Повеке пати била рецензент на трудови за ова списание, како и за меѓународното списание Rubber Chemistry and Technology. Член е на следниве друштва: European Chemical Society, Сојузот на хемичарите и технолозите на Македонија, Српското хемијско друштво, Друштвото на физикохемичарите во Србија. Д-р Стојчева Радовановиќ автор е на еден учебеник (Органска хемија - Механизми на органски реакции), а е коавтор и на учебникот Инструментални методи на струкурна анализа. Д-р Стојчева Радовановиќ била и е ментор на повеќе од 100 дипломски работи, 9 магистерски тези и 4 докторски дисертации, а била член во поголем број комисии за одбрана на дипломски работи, магистерски тези и докторски дисертации на различни факултети во Ниш, Нови Сад и Лесковац. Научната преокупација и е од областа на органската хемија (синтеза и карактеризација на органски соединенија со потенцијална физиолошка активност и некои нивни комплекси) и применета органска хемија (органски полимери, карактеризација, стабилност, рециклажа, како и следење на органски загадувачи во вода, храна и цигари). Се служи со францускиот, англискиот и рускиот јазик. Д-р Блага Стојчева Радовановиќ учествувала со 178 научна трудови на научни собири, од кои 97 се презентирани на меѓународни конгреси. До сега има објавено 59 трудови, од кои 34 се печатени во меѓународни списанија (28 во списанија со impact factor).
Дел од нејзини позначајни трудови се: B. Stojčeva Radovanović, Preparation and thermal behavior of some polycondensates, European Polymer Journal 27, 807-809 (1991); B. Stojčeva Radovanović, Formation and thermal decomposition studies of thermostable aminoplastics,Thermochimica Acta, 186, 171-177 (1991); B. Stojčeva Radovanović, P. Premović, Thermal behaviour of Cu(II)-urea complex, Journal of Thermal Analysis, 38, 715-719 (1992); B. Stojčeva Radovanović, S.Anđelković, Synthesis and Spectral Characterization of N-[5-nitro-2-furfurylidene]-N2-[b-isatin]-azine and it¢s Zn(II), Cu(II) and Ni(II) complexes, Spectroscopy Letters 31, 63-70 (1998); D. Radanović, V. Ristanović, B. Stojčeva Radovanović, A. Todorovska, N. Sagami, A. Lino, S. Kaizaki, Preparation and spectral assignments of hexadentate chromium (III) complxes containing unsymmetrical edta-type ligands. Trans-(O5) geometrical isomer of sodium (ethylenediamine-N,N,N’-3-propionato)chromate (III) trihydrate, trans-(O5)-Na[Cr(ed3ap)]×3H2O and sodium (ethylenediamine-N-diacetato-N’-di-3-propionato)chromate(III)trihydrate, Na[Cr(meddadp)]×3H2O, Transition Metal Chemistry,24, 403-408 (1999); G. Marković, B. Radovanović, M. Marinovic-Cincovic, M. Illavsky, H. Valentova, J. Budinski–Simendic, Curing characterisctics and Dynamic mechanical behaviour of reinforced acrylonitrile-butadiene/chlorosulphonated polyethylene rubber blends, Materials Science Forum, 494, 475-480 (2005).