Соопштенија

Ни претставува особена чест и задоволство да Ве поканиме да присуствувате на свеченоста по повод јубилејното одбележување на 75-годишнината од основањето на Факултетот и Денот на Природно-математичкиот факултет - Скопје при Универзитетот „Св. Кирил и Методиј“ во Скопје, 16-ти декември. 

Првиот дел од настанот ќе може да го следите во живо преку видеоконференциска врска на платформата ZOOM во предавалните 124 и 125 на Институтот за хемија, во периодот од 11:00 до 12:30 часот. 

Промоцијата на дипломираните студенти по хемија и двопредметните студии биологија-хемија ќе се одвива во Амфитеатарот на Институтот за хемија, со почеток во 13:00 часот.

Нека ни е честит нашиот патронен празник! 

Раководител на Институтот за хемија

проф. д-р Наташа Ристовска

Ноемвриска сесија ќе се одвива во периодот од 22.11.2021 година до 03.12.2021 година. Термините за практичен и теоретски дел од испитот треба да се објават најдоцна до 15.11.2021 година на веб страните на институтите во категоријата Испити, а како алтернатива да стои во делот Соопштенија. 

Априлска сесија ќе се одвива во периодот од 04.04.2022 година до 15.04.2022 година. Термините за практичен и теоретски дел од испитот во треба да се објават најдоцна до 28.03.2022 година на веб страните на институтите во категоријата Испити, а како алтернатива да стои во делот Соопштенија. 

Факултетот го задржува правото да изврши измени на роковите утврдени со овој календар доколку тоа го налага специфичноста на здравствената ситуација или поради други оправдани причини.

Од Деканатот

Како? Преку запливување во водите на науките што се изучуваат на Природно-математичкиот факултет во Скопје.

Многу истражување, наука, стипендии и бесконечни можности. Дознајте сè на за нас на 30.11.2021 година (вторник) во периодот од 12:00 до 13:30 часот.
Настанот ќе се одржи во рамките на Отворениот ден на Универзитетот „Св. Кирил и Методиј” во Скопје
и ќе може да се проследи преку онлајн платформата Microsoft Teams на следниот линк: MS Teams

Учете од најдобрите! Ве очекуваме!

 

Се известуваат студентите од Институт за хемија при Природно-матема­тичкиот факултет во Скопје, дека терминот за полагање на испитот по Педагогија, кај проф. д-р Борче Костов, во  ноемвриската  испитна сесија ќе се одржи на 01.12.2021 од  11 до 12 часот преку МС ТИМС (онлајн).

Студентите кои сакаат да полагаат нека испратат мејл, пред испитот, на проф Борче Костов, за да може професорот да им испрати линк за полагање на МС Тимс.

Се известуваат студентите од Институтот за хемија при Природно-матема­тичкиот факултет во Скопје, дека терминот за полагање на испитот по Психологија, кај проф. д-р Калина Сотироска Иваноска,  во  ноемвриската испитна сесија е 23 ноември 2021 г., во 14:00 часот.

Испитот ќе се спроведува  онлајн, на MS Teams,

kalina.sotiroska@fzf.ukim.edu.mk

Се известуваат студентите од Институтот за хемија при Природно-матема­тичкиот факултет во Скопје, дека терминот за полагање на испитот по Македонски јазик, во  ноемвриската  испитна сесија е 27 ноември, сабота, во 12 часот.

Испитот ќе се спроведува  онлајн. Професорот Симон Саздов  ги замолува студентите што  ќе го пријават испитот, да  се најават, на следнава електронска адреса s.sazdov@yahoo.com за да може да им  испрати линк за полагање на испитот.

Се известуваат студентите од Природно-матема¬тичкиот факултет во Скопје, дека  ноемвриската  испитна сесија ќе се одвива во периодот од 22.11.2021 година до 03.12.2021 година. 
Право за полагање имаат студентите кои: уредно го имаат запишано зимскиот семестар во уч. 2021/2022 година и уредно им е заверен летниот семестар од уч.2020/2021 година.
Студентите во ноемвриската испитна сесија ќе може да пријават и  полагаат најмногу 2 (два) испита  од летниот семестар од учебната 2020/2021 година.
         
Задолжителното електронско пријавување на испитите во дополнителната сесија испитна сесија ќе се одвива од  05.11.2021  до 02.12.2021 г. преку електронскиот “i-know” систем.  
Студентот  покрај електронското пријавување, на денот на испитот треба да носи со себе, индекс и пријава за испит (хартија) ако испитот се спроведува со физичко присуство.
Доколку испитот се спроведува „on line“/ електронски,  пријавата за испит (хартија), студентот, дополнително ќе ја достави во термин, кој ќе биде објавен од  предметниот наставник. 
Термините ги објавуваат институтите, при факул¬тетот.

05.11.2021 год.      

од Деканатот,

Наставата по Математика I, согласно со препораките и протоколите за спроведување на настава, ќе се одржува на Microsoft Teams во термините објавени на распоредот. Сите студенти се додадени во тимот. Оние кои не го запишале испитот во iKnow, да го пријават најбрзо што можат за ако има потреба да се формираат групи.

Почитувани студенти запишани во 1. семестар од академската 2021/2022,

Ве известувамe дека првиот Академски час во новата учебна година на 01.10.2021 г. (петок) ќе биде организиран во амфитеатарот на Институтот за хемија (долна зграда, II кат), според следниот распоред:

во 11 часот – Наставна хемија и Применета хемија
во 12 часот – Применета хемија - Аналитичка биохемија

Со почит, 

Раководител на Институтot за хемија

Проф. д-р Наташа Ристовска

Почитувани студенти,

Запишувањето на студентите од сите студиски програми на Институтот за хемија во зимскиот семестар 2021/22 година од страна на Службата за студентски прашања ќе се одвива во просторија 148 во периодот од 21.09 до 30.09.2021 (секој ден од 11:00 до 15:00ч.) по претходно доделен термин од ЕКТС координаторот.

Потребни документи за запишување на зимски семестар: образец за упис, образец за заверка, индекс и ЕКТС образец (кои може да се најдат на веб страната на ИХ или во библиотека)

Студентите од применета и наставна насока во периодот 20.09–22.09.2021 од 10:00 до 12:00 ч. во кабинет 309 треба да достават:

-        индекс

-        целосно пополнет семестрален лист (да се води сметка за условеноста и редоследот на запишување на предметите, да се направи претходна проверка и запишување во i-know и да се пресметаат сумите што треба студентот да ги уплати)

-        e-mail адреса (запишана на лист заедно со името и презимето на студентот)

Повеќе информации можете да најдете на следниов линк

https://drive.google.com/file/d/1VMIdzXwA8YsuxVpW3k3PMR4NHoHo7y-9/view

Подигнување на прегледаните документи се врши по прегледувањето (кое не секогаш се одвива во моментот на доставување документи) и по добиено известување од ЕКТС координаторот за подигнување на прегледаните документи и соодветниот термин во кој студентот треба да ги поднесе документите во Службата за студентски прашања. Студентот со овие информации, извршува уплата на средства, доаѓа да си ги подигне готовите документи и заедно со уплатниците ги доставува на Студентски прашања во својот точно определен термин и просторија.

Краен рок за подигнување на документите е четврток, 23.09.2021, од 10-12. Доколку не добиете известување на мејл, јавете се кај координаторот во овој термин.

проф. Марина Стојановска