Соопштенија

Деканот на Природно-математички факултет распишува ОГЛАС за избор на 5 демонстратори на Институтот за хемија. За подетални информации за условите и потребните гокументи отворете го овој документ. Во прилог е пријавата. 

Се известуваат студентите на хемија од Природно математички факултет дека наставата по предметот Спорт и здравје во зимскиот семестар 2018/19 год ќе се одвива во спортската сала на Машински факултет според дадениот распоред, а наставата ќе почне од четврток 25.10.2018 година.

Скопје 24.10.2018                                

Erasmus Mundus SERP+ master ја започнува кампањата за двегодишни мастер студии за студенти кои сакаат да се стекнат со меѓународно искуство во областа на хемија, физичка хемија и наука за материјали. 

Предавањата се на англиски јазик во рамки на 4 европски универзитети: Paris-Sud (Франција), Genoa (Италија), Porto (Португалија), Adam Mickiewicz (Полска) и имаат за цел да ги обучат студентите во области кои се од големо значење и тоа: обновлива енергија, зелена хемија, нанонаука, наномедицина, современи материјали, примена на радијацијата.

Достапни се 20 Erasmus Mundus стипендии (EU студенти: 32.800 €; останати студенти: од 41.800 € до 43.800 €) и 15 позиции за само-финансирање.

Аплицирањето се прави online до 15-ти февруари 2019 за Erasmus Mundus стипендиите и до 30-ти јуни 2019 за  позициите со само-финансирање.

За повеќе информации погледнете ја интернет страната: www.master-serp.eu. 

Се известуваат студентите од наставна насока дека наставата по предметот Методика на хемиско експериментирање 1 ќе започне на 18.10.2018 година (четврток) во 9 ч. во лабораторија 308.

Се известуваат студентите од наставна насока дека наставата по предметот Општа методика во хемијата ќе започне на 19.10.2018 година (петок) во 10 ч. во просторија 309.

Во среда (10.10.18 година) од 12:00 часот во големиот амфитеатар „Димче Тошев“ (навтори кат) на Хемискиот институт - Скопје, на ул. Архимедова бр. 5 во Автокоманда, ќе сеодржи презентација на можностите за студирање во Германија, едномесечни курсеви загермански јазик во летниот период, како и начинот и програмите за аплицирање застудиска стипендија во Германија преку Германската служба за академска размена(ДААД).

За повеќе информации, погледнете го прикачениот документ. 

Првиот час по предметот „Аналитичка хемија I“ за студентите од втора година, трети семестар, сите насоки: применета хемија, аналитичка-биохемија и наставна насока ќе се одржи на 08. 10. 2018 година, понеделник, во 8.00 часот, во предавална 125.

Институтот за хемија при Природно-математичкиот факултет има потреба од ангажирање на демонстратори за реализација на практична настава за студентите на прв циклус. Како демонстратори може да бидат ангажирани студенти на втор и трет циклус студии на хемија кои оствариле просечен успех од најмалку 8,00 на претходните циклуси од студиите на хемија.

Заинтересираните кандидати треба да достават пријава со потребните документи (уверение за завршени студии, потврда дека се студенти на втор/трет циклус или дека се во процедура на запишување на втор/трет циклус, CV, мотивациско писмо) на e-mail на раководителот на Институтот, проф. д-р Марина Стефова: marinaiv@pmf.ukim.mk најдоцна до петок, 5 октомври, во 10 часот.

 Од Управата на Институтот за хемија

Постапувајќи по барања на студентите, Наставно-научниот совет на ПМФ на редовната седница одржана на 27.09.2018 година донесе ОДЛУКА за одржување на ден сесија за полагање на еден испит, која на Институтот за хемија за студентите на студиските програми на хемија ќе се реализира на 2 октомври за писмен испит и на 3 октомври за усмен испит од 12 часот во амфитеатар.

Студентите имаат право да полагаат испит по еден предмет и мора да се пријават кај библиотекарот за да биде евидентирано име и презиме, број на индекс и по кој предмет ќе полагаат испит најдоцна до понеделник во 15 часот.