Соопштенија

На Светскиот ден на науката за мир и развој, 10 ноември, и оваа година Универзитетот „Св. Кирил и Методиј“ во Скопје ја додели Наградата за најдобри научници и уметник на истоимениот универзитет.

Добитник на наградата за најдобар научник во природно-математичките науки за 2022 година е д-р Петре Макрески, редовен професор на Институтот за хемија при Природно-математичкиот факултет – Скопје.

Наградата се доделува во знак на признание за покажаните врвни резултати во научно-истражувачката дејност и придонесот за афирмацијата на Универзитотот. Помеѓу другите резултати, Макрески во 2022 година има објавено 13 трудови во списанија со фактор на влијание, како и 5 труда во други меѓународни и домашни списанија со различни истражувачи од државата и од странство.

Професорот Макрески се обрати во име на сите шестмина добитници од различните научно-истражувачки подрачја и од уметностите каде го потенцираше значењето на науката за развојот на општеството и државата во целост.

На истата свеченост, се одржа дебата за да се потенцира значајната улога која ја има науката во нашето општество и нашиот секојдневен живот на тема:

Науката на УКИМ во функција на подобро општество (ОН 2023-Доверба во науката)

На дебатата на УКИМ заедницата - визијата кон отворен Универзитет со европски вредности и видлив на меѓународниот високо-образовен и научноистражувачки простор, во рамки на десетмината панелисти, учествуваа и проф. д-р Трајче Стафилов (во пензија) и проф. д-р Петре Макрески од Институтот за хемија при ПМФ.

Почитувани студенти,
Алкалоид АД организира обуки за студенти од хемија кои ќе се реализираат во Тренинг центарот Ѓорче Петров Лафома.

• Права од интелектуална сопственост во фармацијата. Предавачи: Марија Митковска, Емилија Конеска и Менче Најдоска-Богданов. Датум и време: 28.11.2023 во 12h. (времетраење 3 часа). За оваа обука има 10 слободни места за студенти од Институт за Хемија при ПМФ. Покриени се следните теми:
  1. Датабази за патенти
  2. Патентни пребарувања
  3. Видови патенти во фармација
  4. Основи на патентни пребарувања и алатки
  5. Пребарување на патент на молекула
  6. Подготовка на патентна стратегија
  7. Пребарување на патентни документи на оригинатор
  8. Читање и анализа на патентни документи
• Регистрација на лекови. Предавачи: Зорица Кировска и Белма Асанова. Датум и време: 19.12.2023 во 12h. (времетраење 2 часа). За оваа обука има 10 слободни места за студенти од Институт за Хемија при ПМФ. Темата е поврзана со градењето на досие за ставање на лек во промет CTD.
  

Сите заинтересирани студенти да се пријават на следната e-mail адреса: natasa@pmf.ukim.mk, најдоцна до 21.11.2023 (за првото предавање), и 01.12.2023 за второто предавање.

Линк до огласот

Образец Пријава по оглас за избор на демонстратори 2023

Почитувани студенти,
Уште од самото основање во 1991г., Авицена ДОО ја насочува својата дејност кон промоција и продажба на висококвалитетни дијагностички тестови, реагенси, опрема и лабораториски потрошен материјал од областа на микробиологијата, трансфузиологијата, молекуларната дијагностика, имунологијата, клиничката хемија и други области на клиничката лабораториска медицина.

Авицена ДОО објавува оглас за работно место: стручен соработник во сектор биохемија.


За повеќе детали, погледнете го документот во прилог.

Природно математички факултет

Распоред за наставата по предметот Спорт и здравје за зимски семестар 2023/24 

Наставата по предметот спорт и здравје ќе се одржува на Факултетот за физичко образование спорт и здравје.

Распоредот важи од ден 16.10.2023                                                                                                                       Одговорен проф. д-р. Ристо Стаменов

Почитувани,
Конкурсот за упис на втор циклус студии е објавен во делот Уписи 2023/24.

Потсетување: За запишување на втор циклус студии по хемија, кандидатот мора да поседува писмена согласност од менторот. 
Образец за писмена согласност од менторот е достапен во делот Уписи 2023/24.

Предавањата по предметот Инструментални аналитички методи (А, Б ниво) за студентите од трета година, сите насоки, ќе почнат во среда, 04.10.2023 година, во 10.00 часот, во предавална 101.

Предметен наставник: проф. д-р Марина Стефова

Почитувани студенти,

првиот час по предметот Физичка хемија 2Б ниво за студентите од аналичичка биохемија (5ти семестар), ќе се одржи на 05.10.2023 година со почеток во 8:00 часот, согласно истакнатиот распоред.

Предметен наставник

проф. Владимир Ивановски

Првиот час по предметот Управување со квалитет во хемиска лабораторија ќе се одржи на 04. 10. 2023 година, среда, во 10.00 часот, во предавална 125.

Првиот час по предметот Општа хемија ќе се одржи на 03. 10. 2023 година, вторник, во 14.00 часот, во предавална 125.