Соопштенија

Почитувани,
Ни претставува особена чест и задоволство да Ве поканиме да присуствувате на свеченостите по повод одбележувањето на
Денот на Природно-математичкиот факултет - Скопје при Универзитетот “ Св. Кирил и Методиј ” во Скопје, 16-ти декември.

12:00 - Промоција на дипломирани студенти од прв циклус во Амфитеатарот на Институт за хемија

14:00 - Амфитеатар „Ордан Печијаре“ (горна зграда)

• обраќања
• доделување признанија на пензионирани вработени на ПМФ во 2022 година, за нивниот придонес во работата и развојот на Факултетот
• промоција на магистри
• доделување награди на најдобрите дипломирани студенти

Почитувани студенти,

Во рамки на активностите по повод 16-ти Декември патрониот празник на Факултетот, се доделуваат дипломи за дипломираните студенти и пофалници за постигнат успех и најдобри студенти по години (прва, втора и трета).

Критериумите за доделување пофалница се: просек над 8,50 и да бидат положени сите предмети од претходните години заклучно со дополнителната ноемвриска сесија.

Сите студенти кои ги исполнуваат наведените критериуми имаат право да се пријават, најдоцна до 08.12.2022 год.

Заради евалуација и рангирање потребно е да ги доставите своите индекси во Библиотеката на Институтот за хемија (заедно со е-mail адреса за контакт) или уредно скенираните страници од индексот да ги доставите електронски до chemistry@pmf.ukim.mk (со име и презиме и насока во предметот на пораката).

Од Раководител на Институтот за хемија

Драги матуранти, наши идни студенти,

ОТВОРЕН ДЕН на Универзитетот ,,Св.Кирил и Методиј” во Скопје, на 2 декември 2022 со почеток од 11 часот, пред Библиотеката на Институтот за хемија.

Ноемвриска сесија (со физичко присуство). - Право на полагање на испит ќе имаат САМО оние студенти кои уредно го имаат пријавено испитот на iknow, а на полагањето ќе носат индекс и хартиена пријава за испит.

Испитот по Математика II (теорија и задачи)  во ноемвриска сесија ќе се одржи на 24.11.2022 (четврток) од 14:00 часот во Амфитеатарот на ИХ.
Студентите се должни да го најават присуството на испитот на мејлот: stefan_mircevski@outlook.com

Линк до оглас за демонстратори
Образец пријава по повторениот оглас за демонстратори

Студентите кои планираат да полагаат испит (важи за сите предмети од летниот семестар 2021/2022 година) задолжително да се запишат на списокот даден на следниот линк.
Пријавувањто трае до 20.11.2022.

Се известуваат студентите од прв семестар дека предавањата по предметот Математика I, кај предметниот професор д-р Петар Соколовски, во вторник (08.11.2022) ќе бидат одржани во предавална 124 на Институтот за хемија, со почеток од 08:00 часот.

Се известуваат студентите на Природно-мате­ма­­­тич­ки­­от факултет во Скопје дека, ноемвриската (дополнителна) испитна сесија во учебната 2022/2023 г.,  ќе се одвива во периодот од 21.11.2022 г. до 25.11.2022 г.

Право за полагање имаат студентите кои уредно го имаат запишано зимскиот семестар во учебната 2022/2023 г., и уредно им е заверен летниот семестар од учебната 2021/2022 г.

Студентите во ноемвриската испитна сесија ќе може да пријават и полагаат 1 (еден) испит од летниот семестар од учебната 2021/2022 г.

Задолжителното електронско пријавување на испитите во ноемвриската (дополнителна) испитна сесија ќе се одвива од 01.11.2022 г. до 20.11.2022 г.

Студентот  покрај задолжителното електронско пријавување на испитот, на денот на полагање на испитот треба да носи со себе индекс и пријава за испит (хартија).

Термините за практичен и теоретски дел од испитот во престојната ноемвриска (дополнителна) испитна сесија и просториите во кои ќе се одвиваат испитите ќе бидат објавени најдоцна до 13.11.2022 г. на веб страните на институтите на ПМФ.

НАПОМЕНА:

Вонредните и редовните студенти, кои се префрлени по нова студиска програма, при пријавување на секој испит заедно со пријавата за испит треба да достават уплатница за уплатени 200,00 денари за испит, уплатени на жиро-сметката на ПМФ.

02.11.2022 година                                                                    од Деканатот

Фондација ЕДУКАТА за студиската 2022/2023 година ќе додели стипендии на редовни студенти запишани на додипломски студии од прв циклус на јавните универзитети и високообразовни установи.

Повеќе информации во документот во прилог.