Соопштенија

Реплек, во рамки на Програмата за практиканство, објавува Повик за пријавување за летна практична обука со можност за вработување.

Програмата вклучува од еден до три месеци практикантска работа, учење од професионалци – експерти во областа, учење на процесите и вклучување во секојдневните активности во работењето.

Повеќе информации ТУКА.

Се известуваат студентитите од Природно-математичкиот факултет-Скопје,  кои имаат добиено условен потпис за предметот Спорт и здравје дека  консултациите и презентација на семинарските работи за студентите,  ќе се одржат во Среда 09.04.2025год од 9 до 12 часот на ФФОСЗ.

 Студентите кои имаат добиено потпис и го имаат положено предметот, нека не го зимаат во предвид ова известување.

 07.04.2025 г.                                                           Од одговорниот професор, проф. д-р Ристо Стаменов

Почитувани, 
Ве покануваме на научно предавање со наслов Surprising Electrostatic in Concentrated Electrolytes, што ќе го одржи Dr. Catherine Fung, истражувач на Оксфордскиот универзитет, со почеток во 10 часот, во среда, на 2.04.2025, во библиотеката на Институтот за хемија

После предавањото, настанот ќе продолжи со академска дебата на тема Teaching science in the 21st century: challenges and opportunities, со краток воведен збор на Dr. Lorna J. Smith, професор по хемија на Оксфордскиот универзитет.

Секој вторник и среда од 12 до 14 часот во кабинет 238 на Институтот за хемија.

Почитувани колеги, соработници и студенти,
 
Ве известуваме дека Осмиот семинар „Математика и примени“ ќе се одржи на 14 март 2025 година, на Институтот за математика при Природно-математичкиот факултет во Скопје.
 
Семинарот „Математика и примени“ се одржува традиционално веќе неколку години, а неговата цел е промовирање на математичките науки меѓу младите, преглед на досегашните достигнувања во математичките науки и нејзините примени, разгледување насоки и можности за идни истражувања. Предавањата на Осмиот семинар ќе бидат од научно-популарна природа во рамките на теориската и применетата математика. За учество на овој настан не се плаќа котизација. На предавачите ќе им биде доделен сертификат за учество и ќе им биде овозможено објавување на нивниот труд во едицијата Математички омнибус.

Термин за настава по предметот Хемија во практика е вторник од 13 до 16 часот во сала за конференции. 

Наставата ќе започне на 4 март.

Се известуваат студентите на Природно-мате­ма­­­тич­ки­­от факултет во Скопје дека, Мартовската (дополнителна) испитна сесија во учебната 2024/2025 г., е дополнителна сесија, која се спроведува, согласно Одлуката за измена на Календарот на активности за зимски и летен семестар во учебната  2024/2025 година за прв циклус студии на Универзитет „Св. Кирил и Методиј“ во Скопје, Природно-математички факултет – Скопје (на крајот од соопштението).

Мартовската (дополнителна) испитна сесија ќе се одвива во периодот од 20.03.2025 г. до 27.03.2025 г.

Право за полагање имаат студентите кои уредно го имаат запишано летниот семестар и уредно им е заверен зимскиот семестар од учебната 2024/2025 година и ќе може да пријават и полагаат 1 (еден) испит од предмет ислушан во зимскиот семестар во  учебната 2024/2025 г. за кој треба да имаат електронски потпис за остварени обврски.

Повеќе информации

Почитувани студенти на прв циклус студии,

Студентите кои не го запишале летниот семестар во учебната 2024/2025 година во рок,  ќе можат да го запишат семестарот со поднесување на  барање со образложение и надоместок за задоцнето запишување на семестар по истекот на рокот, согласно Одлуката за определување на роковите за запишување на летниот семестар во учебната 2024/2025 година, донесена од Наставно-научниот совет на Факултетот, бр.02-3283/2 од 27.12.2024 година, во периодот од 24.02.2025 г. до 04.03.2025 година.

Студентите треба да постапат согласно  насоките наведени во следнава табела:

 *Барањето се поднесува на шалтер, а откако одговорното лице од студентски прашања ќе ги направи проверките на:  семестарот,  предметите и ќе го верифицира уписот, на студентот ќе му се овозможи   уплатата да ја изврши преку iknow системот.

Студентот треба преку својот профил во iknow системот во модулот Трансакции да одбере  Запишување на семестар по истекување на рокот и да ја изврши уплатата од 1.500 денари.

 После 04.03.2025 година на студентот нема да му биде дозволено запишување на летниот семестар во учебната 2024/2025 година.

 21.02.2025 г.                                    Одделение за студентски прашања,