Соопштенија

ОКТА АД-Скопје, (во натамошниот текст: ОКТА) доделува стипендија на редовни студентите кои во учебната 2023/2024 година првпат се запишуваат на последна година од прв циклус студии на Природно – математички факултет – Институт за хемија во Скопје, на една од следните студиски програми:
• Применета хемија 
• Применета хемија - Аналитичка биохемија

I. УСЛОВИ ЗА ДОДЕЛУВАЊЕ СТИПЕНДИЈА
Право на стипендија има кандидатот кој ги исполнува следните услови:

1. Да има запишано последна година студии на една од погоре наведените студиски програми со постигнат просечен успех од најмалку 8.50;
2. Да не повторувале година во текот на студирањето
3. Да поседува сертификат како доказ за активно познавање англиски јазик;
4. Да не е корисник на стипендија од други установи, институции или компании;
5. Да е државјанин на Република Северна Македонија;
6. Предност ќе имаат кандидати кои не се во редовен работен однос.
7. Учеството во дополнителни вонкурикулумски активности како учество на студентски конгреси, проекти и други активности, ќе се смета за предност

II. ПОТРЕБНИ ДОКУМЕНТИ
1. Пријава;
2. Потврда за редовно запишан зимски семестар за студиската 2023/2024 година
3. Уверение за положени испити од претходните години
4. Изјава на кандидатот дека не е корисник на стипендија од други установи, институции или компании 
5. Уверение - потврда за активно познавање англиски јазик;
6. CV на македонски јазик.

III. ВИСИНА НА СТИПЕНДИЈА
Стипендијата е во висина од 1200ЕУР и истата е распределена на 12 еднакви месечни надоместоци од по 100ЕУР. 

IV. НАЧИН И РОК НА ПРИЈАВУВАЊЕ

Крајниот рок за пријавување на кандидатите за користење на стипендија за последна година од прв циклус студии 02.10.2023 година. Документите за аплицирање за една од петте стипендии треба да се испратат на следните меил адреси: JCvetkovska@helpe.gr  и mstavreva@helpe.gr 
Кандидатите ќе биде избрани од страна на Комисија составена од претставници на ОКТА и претставници на УКИМ. За кандидатите кои ќе влезат во потесен круг ќе биде организирано интервју.

Линк до огласот.

Драги наши идни студенти,
Ве потсетуваме дека пред пријавувањето во роковите утврдени со Конкурсот (линк) секој заинтересиран кандидат треба да се регистрира на www.upisi.ukim.edu.mk и да ја пополни електронската пријава од iKnow-системот.
I. Поднесувањето на документите ќе се одвива на 30.08.2023 и 31.08.2023 година од 8.00 до 14.00 часот, со физичко присуство, во просториите на Природно-математичкиот факултет во Скопје.
II. Распоредот на шалтери за прием на документи, како да стигнете до нив и точната локација на факултетот е дадена на следниот линк
III. Потребните документи се дадени на следниот линк

ТЕОРИЈА - 7 септември 2023 година (четврток), почеток 10:00, просторија бр. 117
ЗАДАЧИ - 14 септември 2023 година (четврток), почеток 10:00, просторија бр. 117  

Студентите ќе можат да го полагат испитот и после 15 Септември во термини кои ќе бидат одредени во договор со наставникот (irina.petreska@pmf.ukim.mk).
Испитите ќе ги одржи проф. д-р Ирина Петреска.

07.07.2022 г.                                                                                  Од деканатот,

Соопштение  за ТРЕТАТА (август/септемвриска) испитна сесија во учебната 2022/2023 г.

се известуваат редовните и вонредните студенти  на  Природно-мате­ма­­­тич­ки­­от факултет во Скопје, дека ТРЕТАТА (август/септемвриска) сесија во уч. 2022/2023 година  ќе се одвива во две декади во периодот од:

21 август 2023 –15 септември 2023    (две декади) 

• 08.09.2023 г. (петок) е неработен ден, ден на независноста

ТЕРМИНИТЕ ги објавуваат институтите при факул­тетот.

ПРИ ПРАВЕЊЕТО НА РАСПОРЕДОТ ТРЕБА ДА СЕ ВНИМАВА ПОМЕЃУ ТЕРМИНИТЕ ОД ПРВАТА И ВТОРАТА ДЕКАДА, ДА ИМА МИНИМУМ 10 ДЕНА (согласно  чл.45, од Правилникот за условите, критериумите,  правилата и постапката за запишување и  студирање на прв циклус студии (додипломски студии) и втор циклус студии (постдипломски студии) на УКИМ, бр.417, 29 јануари 2019).

      Студентите во третата испитна сесија, можат да полагаат предмети слушани во  зимскиот и во летниот семестар во уч.2022/2023 година  (семестрите  административно, треба да им се  уредно   запишани и заверени).

НАПОМЕНА 1 -  начин на пријавување на испитите

ЗАДОЛЖИТЕЛНО ЕЛЕКТРОНСКОТО ПРИЈАВУВАЊЕ НА ИСПИТИТЕ ВО ВТОРАТА ИСПИТНА СЕСИЈА ВО УЧ.2022/2023 ГОДИНА, ВО  I-KNOW СИСТЕМОТ, ЌЕ СЕ ОДВИВА ОД:

10.07.2023  од  20.08.2023

ПРАВО НА ПОЛАГАЊЕ НА ИСПИТ ЌЕ ИМААТ САМО ОНИЕ СТУДЕНТИ КОИ УРЕДНО ЌЕ ГО ПРИЈАВАТ ИСПИТОТ. 

НАПОМЕНА 2  

Само вонредните студенти и редовните студенти, кои се префрлени по нова студиска програма, при пријавување на секој испит заедно со пријавата за испит треба да достават (прикачат) уплатница за уплатени 200,00 денари за испит, уплатени на жиро-сметката на ПМФ. 

НАПОМЕНА 3

Запишувањето на зимскиот  семестар во уч. 2023/2024 година,  ќе се одвива во периодот од  18.09.2023 до 29.09.2023 г.   Соопштението за организацијата  на запишувањето на зимскиот  семестар во уч.2023/2024 година,  ќе биде дополнително објавено. Наставата во зимскиот сeместар во уч.2023/2024 г. ќе се започне до  02.10.2023 г. и ќе трае до 12.01.2024 г.

НАПОМЕНА 4

Студентите  треба  да почитуваат напомените, затоа што целта е на студентите да им се олесни процедурата на добивање оценка во хартиена пријава на крај на секоја сесија и да се елиминира проблемот на студентски досиеја во кои недостигаат голем дел хартиени пријави за положени испити, особено пред дипломирање. Се пријавуваат сите испити кои студентот планира да ги полагаа во сесијата.

Студентите кои предметите ги полагаат преку колоквиуми, исто така треба да ги пријават електронски испитите.

Сите студенти на ПМФ испитите ги пријавуваат на ПМФ, без разлика каде ги слушале.

Студентите плаќаат по 400,00 ден. надоместок за задоцнето пријавување испит (пријавување на испити по рокот),  ако електронски не го пријават испитот во дефинираниот рок.

05.07.2023 година                                                               од  деканатот,

Соопштение  за ТРЕТАТА (август/септемвриска) испитна сесија во учебната 2022/2023 г.

 се известуваат студентите на ВТОР ЦИКЛУС студии  на  Природно-мате­ма­­­тич­ки­­от факултет во Скопје, дека ТРЕТАТА (август/септемвриска) сесија во уч. 2022/2023 година  ќе се одвива во периодот од:

21 август 2023 –15 септември 2023    (две декади)

• 08.09.2023 г. (петок) е неработен ден, ден на независноста

Термините  за полагање на испитите, се дефинираат во договор со  предметните професори.

      Студентите во третата испитна сесија, можат да полагаат предмети слушани во  зимскиот и во летниот семестар во уч.2022/2023 година  (семестрите  административно, треба да им се  уредно   запишани и заверени).

НАПОМЕНА 1 -  начин на пријавување на испитите

ЗАДОЛЖИТЕЛНО ЕЛЕКТРОНСКОТО ПРИЈАВУВАЊЕ НА ИСПИТИТЕ ВО ВТОРАТА ИСПИТНА СЕСИЈА ВО УЧ.2022/2023 ГОДИНА, ВО  I-KNOW СИСТЕМОТ, ЌЕ СЕ ОДВИВА ОД:

10.07.2023  од  20.08.2023

ПРАВО НА ПОЛАГАЊЕ НА ИСПИТ ЌЕ ИМААТ САМО ОНИЕ СТУДЕНТИ КОИ УРЕДНО ЌЕ ГО ПРИЈАВАТ ИСПИТОТ. 

НАПОМЕНА 1

Запишувањето на зимскиот  семестар во уч. 2023/2024 година и заверката на летниот семестар во уч.2022/2023 г.,  ќе се одвива во периодот од  18.09.2023 до 29.09.2023 г.   Соопштението за организацијата  на запишувањето на зимскиот  семестар во уч.2023/2024 година,  ќе биде дополнително објавено. Наставата во зимскиот сeместар во уч.2023/2024 г. ќе се започне до  02.10.2023 г. и ќе трае до 12.01.2024 г. 

05.07.2023 година                                                               од  деканатот,

За прв пат студентите од Македонија имаат можност да бидат дел од т.н. „ротирачка програма“ на JM каде дипломираните студенти по хемија ќе имаат можност во текот на 8-те месеци да остварат 3 „ротации“ и да бидат дел од тимот на ЈМ-Македонија и ЈМ-Полска.
По завршувањето на програмата, кандидатите ќе имаат можност да се приклучат на тимот на ЈМ .
За повеќе детали, погледнете го прикачениот документ и QR кодот кој се наоѓа на него.
Крајниот рок за поднесување на апликациите е 6 август 2023. 

Дали сакате да придонесете во компанија каде што работењето претставува синергија на високо квалификувани кадри, иновација на процеси, науката и истражувањето?
Дали сакате да бидете дел од компанија која секогаш е отворена за нови идеи, каде ги цениме и вреднуваме образованието и знаењето, ја поттикнуваме визијата и промените?

Реплек, во рамки на Програмата за практиканство, објавува Повик за пријавување за летна практична обука со можност за вработување.

Повеќе информации околу условите и начинот на аплицирање на следниот линк.

Краен рок за аплицирање е 02.07.2023.

УНИВЕРЗИТЕТОТ „СВ. КИРИЛ И МЕТОДИЈ” ВО СКОПЈЕ
бјавува 

КОНКУРС
ВО РАМКИ НА ПРОГРАМАТА ЕРАЗМУС+
АКЦИЈА 1: ИНДИВИДУАЛНА МОБИЛНОСТ ЗА СТУДЕНТИ
за академската 2023/2024 година

Во рамки на програмата ЕРАЗМУС+ K103 на Европската комисија, Универзитетот „Св. Кирил и Методиј” распишува конкурс за доделување стипендии за студенти за студиски престој на високообразовните институции во ЕУ.

Право на пријавување имаат само редовни студенти со завршена прва година на студии.

Времетраење на мобилноста за студенти: еден семестaр (летен семестар).

Мобилноста се остварува во рамки на потпишани Еразмус+ договори меѓу УКИМ и ЕУ универзитетите. (Види листа на Еразмус+ договори)

1. Потребни документи за мобилност на студенти: Сите документи за аплицирање се достапни на интернет-страната на Универзитетот Меѓународна соработка- ERASMUS+ или интернет-страната на факултетот: · пополнет формулар за пријавување (Student Application Form); · договор за студирање (Learning Agreement) во кој се утврдува програмата за студирање, потпишана и одобрена од страна на студентот, матичниот факултет/Еразмус+ координаторот и факултетот во странство (минимум 20 ЕКТС- максимум 30ЕКТС);
· уверение за положени испити на македонски јазик;
· уверение/диплома за познавање на англиски јазик или јазикот на кој се изведува наставата на ЕУ универзитетот издадена од признат центар/школа за странски јазици;
· уверение за редовен студент- запишан семестар/година (на македонски јазик); · кратка биографија (Europass model).
Висината на стипендијата за студентите изнесува 550-600 ЕУР месечно, согласно земјата во која се престојува (Види листа на интернет-страната на Универзитетот).

Патните трошоци и здравственото осигурување ги покриваат лично студентите.

Селекцијата/рангирањето на кандидатите ја прави факултетот согласно со утврдените критериуми: академскиот успех, познавање на англиски јазик или јазикот на кој се изведува наставата, мотивација.

При одлучувањето, предност ќе имаат кандидатите кои аплицираат за првпат и досега не користеле Еразмус+ стипендија.

Кандидатите лично ја поднесуваат апликацијата во три примерока до Еразмус+ координаторот на факултетот каде студираат, најдоцна до 5 октомври 2023.

(Еден примерок за Еразмус+ коррдинаторот, еден примерок задржува студентот и еден примерок се доставува до Ректоратот на УКИМ) (Види листа на Еразмус+ координатори по факултети).

Краен рок за поднесување на рангираните апликации од страна на факултетите до Ректоратот е 12 октомври 2023.

УНИВЕРЗИТЕТ „СВ. КИРИЛ И МЕТОДИЈ” ВО СКОПЈЕ