Термин за првиот час по предметот Управување со квалитет во хемиска лабораторија
Првиот час по предметот Управување со квалитет во хемиска лабораторија ќе се одржи на 04. 10. 2023 година, среда, во 10.00 часот, во предавална 125.
Предметен наставник:
проф. д-р Горан Стојковиќ
Термин за првиот час по предметот Општа хемија за студентите од Институтот за биологија (Молекуларна биологија-2018 и Молекуларна биологија со генетика -2023)
Првиот час по предметот Општа хемија ќе се одржи на 03. 10. 2023 година, вторник, во 14.00 часот, во предавална 125.
Предметен наставник:
проф. д-р Горан Стојковиќ
Прв академски час во учебната 2023/2024 година
Почитувани,
На ден 02.10.2023 година (понеделник) ќе се одржи првиот академски час со почеток во 12:00 часот, во амфитеатарот "проф. д-р Ордан Печијаре" (се наоѓа на приземје во горната зграда на Факултетот).
Новите студенти кои се запишани на сите студиски програми на Природно–математичкиот факултет во Скопје во учебната 2023/2024 година, ќе бидат поздравени од деканот на Факултетот проф. д-р Даворин Трпески.
Со свеченоста ќе се одбележи и почетокот на новата академска учебна година.
По свеченоста, индексите на новите студенти ќе им бидат врачени од раководителите на соодветните институти.
Доделувањето на индекси на Институтот за хемија (долна зграда) ќе започне во 13:00 часот, во амфитеатарот „Проф. д-р Димче Тошев“.
Декан на ПМФ
Проф. д-р Даворин Трпески
Термин за првиот час по предметот АНАЛИТИЧКА ХЕМИЈА I
Првиот час по предметот Аналитичка хемија I за студентите од втора година ќе се одржи на 09. 10. 2023 година, понеделник, во 8.00 часот, во предавална 124.
Предметен наставник:
проф. д-р Јасмина Петреска Станоева
Термин за првиот час по предметот НУТРИЦИОНИЗАМ
Првиот час по предметот Нутриционизам ќе се одржи на 13. 10. 2023 година, петок во 8.00 часот, во предавална 124.
Предметен наставник:
проф. д-р Јасмина Петреска Станоева
Средба на претставници од ПМФ Скопје со преставници од компанијата Johnson Matthey Скопје и Johnson Matthey UK
На 20 септември, на Институтот за хемија се одржа округла маса, на која претставници од компанијата Johnson Matthey Скопје и Johnson Matthey UK, со претставници од ПМФ Скопје имаа конструктивна дискусија. На средбата беа разгледани повеќе можности за идна плодна соработка. На овој состанок учествуваа Elizabeth Rowsell - Chief Technology Officer во JM-UK, Paul Collier - External Programmes Manager во ЈМ-UK, Александар Скепаровски - Декан на ПМФ, Скопје, Марина Стефова, претставник од СХТМ, Наташа Ристовска, шеф на Институтот за хемија, претставници од ЈМ-Скопје и како и претставници од ПМФ.
Оглас за избор на демонстратори во учебната 2023/2024 година
Се распишува интерен оглас за избор на 3 демонстратори како помошници во наставно образовниот процес на првиот циклус на студии за учебната 2023/2024 година за студиските програми кои се организираат на Институтот за хемија.
Повеќе информации за критериумите за избор на документот во прилог.
Преземете го образецот за пријава на огласот.
ОГЛАС за доделување стипендија на редовни студенти запишани на последна година од прв циклус студии
ОКТА АД-Скопје, (во натамошниот текст: ОКТА) доделува стипендија на редовни студентите кои во учебната 2023/2024 година првпат се запишуваат на последна година од прв циклус студии на Природно – математички факултет – Институт за хемија во Скопје, на една од следните студиски програми:
• Применета хемија
• Применета хемија - Аналитичка биохемија
I. УСЛОВИ ЗА ДОДЕЛУВАЊЕ СТИПЕНДИЈА
Право на стипендија има кандидатот кој ги исполнува следните услови:
1. Да има запишано последна година студии на една од погоре наведените студиски програми со постигнат просечен успех од најмалку 8.50;
2. Да не повторувале година во текот на студирањето
3. Да поседува сертификат како доказ за активно познавање англиски јазик;
4. Да не е корисник на стипендија од други установи, институции или компании;
5. Да е државјанин на Република Северна Македонија;
6. Предност ќе имаат кандидати кои не се во редовен работен однос.
7. Учеството во дополнителни вонкурикулумски активности како учество на студентски конгреси, проекти и други активности, ќе се смета за предност
II. ПОТРЕБНИ ДОКУМЕНТИ
1. Пријава;
2. Потврда за редовно запишан зимски семестар за студиската 2023/2024 година
3. Уверение за положени испити од претходните години
4. Изјава на кандидатот дека не е корисник на стипендија од други установи, институции или компании
5. Уверение - потврда за активно познавање англиски јазик;
6. CV на македонски јазик.
III. ВИСИНА НА СТИПЕНДИЈА
Стипендијата е во висина од 1200ЕУР и истата е распределена на 12 еднакви месечни надоместоци од по 100ЕУР.
IV. НАЧИН И РОК НА ПРИЈАВУВАЊЕ
Крајниот рок за пријавување на кандидатите за користење на стипендија за последна година од прв циклус студии 02.10.2023 година. Документите за аплицирање за една од петте стипендии треба да се испратат на следните меил адреси: JCvetkovska@helpe.gr и mstavreva@helpe.gr
Кандидатите ќе биде избрани од страна на Комисија составена од претставници на ОКТА и претставници на УКИМ. За кандидатите кои ќе влезат во потесен круг ќе биде организирано интервју.
Линк до огласот.
Термини за полагање на предметот Англиски јазик во третата испитна сесија (2022/23)
|
2023 ТРЕТА (АВГУСТ/СЕПТЕМВРИСКА) ИСПИТНА СЕСИЈА ВО УЧ.2022/2023 ГОДИНА
II декада
|
КОНКУРС - прв циклус студии / прв уписен рок 2023/2024
Драги наши идни студенти,
Ве потсетуваме дека пред пријавувањето во роковите утврдени со Конкурсот (линк) секој заинтересиран кандидат треба да се регистрира на www.upisi.ukim.edu.mk и да ја пополни електронската пријава од iKnow-системот.
I. Поднесувањето на документите ќе се одвива на 30.08.2023 и 31.08.2023 година од 8.00 до 14.00 часот, со физичко присуство, во просториите на Природно-математичкиот факултет во Скопје.
II. Распоредот на шалтери за прием на документи, како да стигнете до нив и точната локација на факултетот е дадена на следниот линк
III. Потребните документи се дадени на следниот линк