Соопштенија

Меѓународна компанија за управување со отпад во Кавадарци (www.ecoenergysystem.org), бара хемиски техничар со соодветно образование.

Потребно е добро познавање на (говорен и пишан) англиски јазик.

Сите заинтересирани кандидати да испратат CV на англиски на humanresources@ecoenergysystem.org,

Фондацијата „Атанас Близнакоф“ доделува 5 стипендии за студентите од ПМФ, Скопје. За повеќе информации, погледнете го прикачениот документ. 

Предмети: НЕОРГАНСКА ХЕМИЈА - Б ниво, ЕЛЕКТРОХЕМИЈА

I декада:

• Устен испит: 13.06.2019 (четврток) со почеток во 12:00 часот во амфитеатарот на Институтот за хемија

II декада:

• Устен испит: 20.06.2019 (четврток) со почеток во 12 часот во амфитеатарот на Институтот за хемија

Напомена:

• Студентите имаат право да полагаат еден вид на испит само во една декада. Појаснување: Возможно е да се полага парцијален испит (пр. задачи) во една декада, а парцијален испит (пр. теорија) во друга декада, но не е возможно еден ист парцијален испит (задачи, или теорија) да се полага двапати, и во едната и во другата декада.
• Студентите кои имаат положено еден вид парцијален испитот (задачи, или теорија) преку колоквиуми, треба да го полагаат само останатиот дел од испитот (задачи, или теорија) во декада по нивни избор.
• Студентите кои треба да полагаат и задачи и теорија, најпрво треба да го положат парцијалениот испитот во врска со задачите, а потоа имаат право да полгаат теорија. Обратната ситуација не е дозволена (прво теорија, а потоа задачи).  

Би сакале да ве поканиме на презентација на компанијата СИНЦЕРИТАС ДОО за студентите од Институтот по хемија која ќе се одржи во предавална бр. 124 (Институт 3А хемија) на 5 јуни 2019 година (среда) во 12 часот.

За време на презентацијата ќе претставиме можностите

• за пракса во лабораториите на Синцеритас (со потенцијално вработување) и
• за стипендирање (магистерски и докторски студии).

Синцеритас ДОО е странска инвестиција, компанија за производство на медицински канабис која има за цел да произведе високо квалитетно масло од канабис за странски пазари. Компанијата спроведува највисоки фармацевтски стандарди, вложува во истражувања и развој во областа на медицинскиот канабис и вработува стручен кадар.

Фабриката на Синцеритас е нова, опремена со најнова технологија и најсовремени лаборатории и се наоѓа во Росоман.

Со задоволство ќе споделиме повеќе информации со вас за време за закажаната презентација.

     Џонсон Мети Македонија со задоволство ја објавува својата програма за летна пракса за 2019та. Преку програмата, студентите ќе можат да аплицираат за летни пракси со полно работно време во еден од многуте оддели на компанијата, вклучувајќи ги Производство, ЧР, ИТ, Финансии, Логистика, Квалитет, Одржување, Инженерство, Континуирано подобрување и многу повеќе!
     Програмата за летна пракса обезбедува единствена можност за добивање на вредно професионално искуство и за градење на вештини кои се потребни за започнување на кариера.
     Можат да аплицираат студенти од Факултетот за електротехника и информациски технологии (ФЕИТ), Факултет за информатички науки и компјутерско инженерство (ФИНКИ), Универзитетот Американ Колеџ Скопје, Универзитетот на Југоисточна Европа (ЈИЕУ), Природно-математички факултет (Институт за хемија), Машински факултет, Технолошко-металуршки факултет, Филолошки факултет, Филозофски факултет и Економски факултет.
     Кандидатите за програма за пракса треба да ги исполнуваат следниве критериуми за квалификација:

• Да бидат студент во III/IV година од редовни студии или студент на постдипломски студии;
• Познавање на англиски јазик;
• Познавање на работа со компјутер – MS Office пакет, интернет, е-маил;
• Добри организациски вештини;
• Тимски играч со добри интерперсонални вештини;
• Добри комуникациски вештини (писмени и усни);
• Самоиницијативност и проактивност кон работата и дадените задачи;
• Посветеност кон исполнување на резултати.

Доколку сте заинтересирани за пракса, испратете ваша биографија со писмо за мотивација на англиски јазик на следнава е-маил адреса: mkjobs@matthey.com, Ве молиме да ја наведете програмата за пракса за која аплицирате во полето Предмет, во спротивно вашата апликација нема да биде земена предвид.
РОК ЗА ПРИЕМ НА АПЛИКАЦИИТЕ: четврток, 16 Mај 2019 година.

Сите заинтересирани дипломирани студенти и студенти кои се на крајот со студиите, може да аплицираат на огласот за работа од компанијата „Вабтек-МЗТ“. За повеќе информации, погледнете го прикачениот документ. 

Младински образовен форум (МОФ), во рамките на Проектот за образовни центри за советувањеи алумни стипендисти на Фондациите Отворено општество, на 23.4.2019 од 11 до 18 часот, на Правниот факултет „Јустинијан Први“ – Скопје, по седми пат го организира целодневениотстудентски настан „Станица: Студентска”. Станица: Студентска 7.0. е еднодневен настаннаменет за студенти чија цел е да се промовира здружувањето помеѓу студентите, студентскиотактивизам, истражувачката работа, како и размената на знаење помеѓу академската заедница.

На овој настан, проф. д-р Владимир Петрушевски ќе одржи предавање со наслов „Експериментот на Милиграм: Покорност кон авторитет“.

За повеќе информации, погледнете го прикачениот документ. 

На 4 април 2019 година, четврток, со почеток во 18:30 на Институтот за хемија ќе се одржи хемиски спектакл по повод Меѓународната година на Периодниот систем. Повелете, преку смеа, да го прославиме овој јубилеј и да научиме некои од својствата на елементите преку спектакуларни експерименти.

Влезот е бесплатен, а местата во амфитеатарот се ограничени. Затоа, ве молиме донесете најмногу 10 ученици од училиштето за да сите можат непречено да го следат настанот.

www.facebook.com/events/303281790355425/

www.sctm.mk/index.htm