Соопштенија

Право на полагање на испит ќе имаат САМО оние студенти кои уредно го имаат пријавено испитот на iknow, имаат потис од асистент/демонстратор,  а на полагањето ќе носат индекс и хартиена пријава за испит

Почитувани студенти,
На следниот ЛИНК може да го најдете конкурсот за запишување студенти на втор циклус во академската 2024/2025 година (втор рок).
Рокови за пријавување и запишување:

На следниов ЛИНК можете да најдете информација за слободните места за запишување студенти на втор циклус студии во вториот уписен рок во учебната 2024/2025 година.
ВАЖНО: За запишување на втор циклус студии по хемија, кандидатот мора да поседува писмена согласност од менторот.

Почитувани студенти,

Ве известувам дека термините за консултации и давање потписи (за реализирани обврски) по предметот Спорт и здравје,  слушан во зимскиот семестар во учебната 2024/2025 година е даден во следнава табела: 

Консултациите ќе се одржуваат на  Факултетот за физичко образование, спорт и здравје, на Катедрата за физичко образование, спорт и спортски менаџмент на нематичните факултети.

Од одговорниот професор, проф. д-р Ристо Стаменов

Ни претставува особена чест и задоволство да Ве поканиме да присуствувате на свеченостите по повод одбележувањето на Денот на Природно-математичкиот факултет - Скопје при Универзитетот „Св. Кирил и Методиј“ во Скопје, 16-ти декември, со следната

 П Р О Г Р А М А

16.12.2024 г. (понеделник),
Природно-математички факултет-Скопје

 11:00 часот
   Свеченоста ќе се одржи во амфитеатарот „Ордан Печијаре“- горна зграда 
            - Обраќањe на Деканот на Факултетот проф. д-р Даворин Трпески
            - Доделување признанија на пензионирани вработени на Природно-мате­мати­чкиот факултет - Скопје во 2024 година, за нивниот придонес во работата и развојот на Факултетот
            - Доделување признанија за 20 - години непрекината работа на Факултетот
            - Промоција на магистри
            - Доделување на награди на најдобро дипломирaните студенти

 11:45 часот
   Промоција на дипломираните студенти на соодветните институти

12 :30 часот
            - Коктел во холот во горната зграда на Факултетот

 Со почит,
            Д Е К А Н
Проф. д-р Даворин Трпески

Почитувани студенти,

Лексикографскиот центар „Георги Старделов“ при МАНУ
и
Сојузот на хемичарите и технолозите на Македонија
имаат чест да Ве поканат на промоцијата на терминолошкиот речник:
ХЕМИЈА
во рамките на макропроектот Македонска научна и стручна терминологија
Промоцијата ќе се одржи во Амфитеатарот на МАНУ, на 4 декември (среда) 2024 година, во 12 ч.
Обраќање на акад. Живко Попов, претседател на МАНУ
Обраќање на акад. Витомир Митевски, раководител на макропроектот Македонска научна и стручна терминологија
Обраќање на проф. д-р Валентин Мирчески, промотор на изданието
Обраќање на акад. Глигор Јовановски, раководител на проектот Хемиска терминологија

 ***

Коктел

Драги матуранти, наши идни студенти!
Ве покануваме на традиционалниот настан „Отворен ден на УКИМ“, којшто ќе се одржи со физичко присуство во просториите на секој од факултетите, во два термина:
11 – 13 часот и 13 – 15 часот.
Ќе бидат презентирани студиските програми на факултетите, активностите на студентите, центрите за кариера и сите останати можности.
Запознајте ги одблиску професорите и студентите, прашајте сè што ве интересира за студиските програми, можностите за стипендирање, слушнете ги искуствата на студентите, нивните активности и вклученост во научноистражувачките проекти, дознајте за можностите за меѓународна размена, за студентскиот живот, за практикантството, и за кариерните можности.
Посетете ги факултетите на УКИМ, запознајте се со нивните просторни капацитети, амфитеатри и лаборатории.
Студирајте на Универзитетот со најдолга традиција во нашата земја!
Учете од најдобрите, студирајте на Универзитетот „Св. Кирил и Методиј“ во Скопје!
Се гледаме на 5 декември!

Почитувани колеги, 

На ден 05.12.2024 година (четврток), со почеток во 11.00 часот, професор Кирил Христовски од Arizona State University, USA, ќе одржи предавање под наслов: 

Are living organisms nothing more than sophisticated Carnot engines? The use of microbial potentiometric sensors to assess the thermodynamics of life. 

Предавањето ќе се одржи во предавална 101 на Институтот за хемија.