Соопштенија

Почитувани студенти,
Во тек е отворен повик за учество на 20 студенти од Институтот за хемија на 28 Конгрес на СХТМ, што ќе се одржи од 23-26 септември 2026 година во Охрид.

Право на пријавување на повикот имаат сите студенти на прв циклус. Доколку бројот на заинтересирани е поголем, ќе биде направена селекција.

Линк за пријавување: ТУКА

Повеќе информации за конгресот: ТУКА

Почитувани студенти, 
Ве известуваме дека е објавен повикот за практикантство од компанијата Реплек. Повеќе информации за огласот можете да најдете ТУКА.

Се известуваат студентите на Природно-математичкиот факултет воСкопје дека, Мартовската (дополнителна) испитна сесија во учебната 2025/2026 г., ќе се одвива во периодот од 23.03.2026 до 27.03.2026 г.

Писмените испити по предметите на Институтот за хемија ќе се одржат на 23.03.2026 во 12:00 часот во амфитеатарот на ИХ.
Усните (теоретски) испити ќе се одржат на 27.03.2026 во 12:00 часот.

Повеќе информации може да најдете ТУКА.

Предавањата од НЕОРГАНСКА ХЕМИЈА за студентите од насоките: применета хемија и наставна хемија ќе започнат на 18.02.2025 год. (среда)  во 10 ч. во предавална 125.

Предметен наставник: 

проф. д-р Билјана Пејова

Предавањата по предметот Примена на компјутери во хемијата (за студентите од сите насоки) ќе започнат на 16. 02. 2025 година, понеделник, во 10.00 часот, во предавална 124.

Предметен наставник: проф. д-р Горан Стојковиќ

Предавањата по предметот Аналитичка хемија II за студентите од втора година, четврти семестар, сите насоки: применета хемија, аналитичка-биохемија и наставна насока ќе започнат на 18. 02. 2026 година, среда, во 8.00 часот, во предавална 124.

Предметен наставник:

проф. д-р Јасмина Петреска Станоева

12.01.2026 г.                                                                            Од деканатот,

Почитувани,
Денес во просториите на Природно-математичкиот факултет се одржа свеченост по повод одбележувањето на Денот на Факултетот.

Свеченоста започна со обраќање на деканот на Факултетот, проф. д-р Даворин Трпески и ректорката на Универзитетот „Св. Кирил и Методиј“ во Скопје, проф. д-р Биљана Ангелова. Потоа, се одржа свеченоста на промоција на магистри, од кои 16 од Институтот за хемија.

Во амфитеатарот на Институтот за хемија беа доделени дипломи на 30 нови дипломирани инженери и наставници по хемија, со што се заокружи еден значаен академски циклус и се одбележа нивниот успешно изминат образовен пат.

За најдобар студент на Природно-математичкиот факултет е прогласен Михаил Трајков, дипломиран инженер по хемија од Институтот за хемија.

Покрај тоа, признанија – дипломи беа доделени и на студенти кои претходните учебни години постигнале висок академски успех. Со ова, Институтот уште еднаш ја истакна важноста на континуираната посветеност, дисциплина и стремеж кон академска извонредност, како темели на квалитетното високо образование.

Ни претставува особена чест и задоволство да Ве поканиме да присуствувате на свеченоста по повод одбележувањето на
Денот на Природно-математичкиот факултет - Скопје при Универзитетот „Св. Кирил и Методиј“ во Скопје, 16-ти декември, со следната

П Р О Г Р А М А

16.12.2025 г. (вторник),

Природно-математички факултет-Скопје

12 : 00 часот

   Свеченоста ќе се одржи во амфитеатарот „Ордан Печијаре“- горна зграда

• Обраќањe на деканот на Факултетот, проф. д-р Даворин Трпески
• Обраќање на ректорката на Универзитетот „Св. Кирил и Методиј“ во Скопје, проф. д-р Биљана Ангелова
• Доделување признанија на пензионирани вработени на Природно-мате­мати­чкиот факултет - Скопје во 2025 година, за нивниот придонес во работата и развојот на Факултетот
• Доделување признанија за 20 - години работа на Факултетот
• Промоција на магистри
• Доделување на награди на најдобро дипломирaните студенти

13 : 00 часот

•    Промоција на дипломираните студенти на соодветните институти

13 : 30 часот

• Коктел во холот во горната зграда на Факултетот
• Коктел во холот во долната зграда на Факултетот (за студенти, вработени и поранешни вработени на Институтот за етнологија и антропологија и Институтот за хемија)

            Д Е К А Н
Проф. д-р Даворин Трпески

Почитувани студенти,
Во рамки на активностите по повод 16-ти Декември патрониот празник на Факултетот, се доделуваат дипломи за дипломираните студенти и пофалници за постигнат успех и најдобри студенти по години (прва, втора и трета).

Критериумите за доделување пофалница се: просек над 8,50 и положени сите предмети од претходните години заклучно со дополнителната ноемвриска сесија.

Сите студенти кои ги исполнуваат наведените критериуми имаат право да се пријават, најдоцна до 10.12.2025 год.

Заради евалуација и рангирање потребно е да прикачите документ со скенирани страници од вашиот индекс.

До пријавата можете да пристапите на следниот линк:
https://forms.gle/tqWVk3z9pSdkr1Gq8

Од Раководител на Институтот за хемија